AURREKO ASTEETAN HAINBAT HEDABIDEK SAREREN ETA BEREZIKI JOSEBA AZKARRAGAREN JARDUNA KRIMINALIZATU ASMOZ ARGITARATUTAKO ARTIKULUEN AURREAN GURE IRAKURKETA PLAZARATU DUGU

AURREKO ASTEETAN HAINBAT HEDABIDEK SAREREN ETA BEREZIKI JOSEBA AZKARRAGAREN JARDUNA KRIMINALIZATU ASMOZ ARGITARATUTAKO ARTIKULUEN AURREAN GURE IRAKURKETA PLAZARATU DUGU

Sare Herritarrak zuhurtziazko denbora pasatzen utzi nahi izan du, Auzitegi Nazionalak eskatuta Guardia Zibilak egindako ikerketaren ondorioz zenbait komunikabidek helarazi nahi izan duten irudiaren aurrean iritzia eman aurretik.

Lehenik eta behin, gogorarazi nahi dugu Sarek ia zazpi urte daramatzala euskal presoen eskubideen defentsan lanean. Gure helburuak ez ditugu inoiz ezkutatu; herri honek hamarkadetan jasandako biolentzia eta konfrontazio egoerarekin eta haren ondorioekin amaitzea, herri honek elkarbizitzaren bidean aurrera egin dezan.

Beti esan dugu egungo egoerari irtenbide justua emateko, ezinbestekoa dela gutxieneko akordio bat lortzea, indarkerien biktima guztien errekonozimendua oso kontuan izango duena, eta espetxeen egoerari irtenbide justua emango diona.

Ezin dugu isilik egon, ETA desagertu zela 10 urte baino gehiago igaro ondoren, euskal presoei salbuespeneko espetxe-politika aplikatzen jarraitzen zaienean.

Inoiz ez dugu ezkutatu arazo horien konponbideari buruz hitz egiteko eta politikoki adosteko beharra, eta euskal gizartea helburu horien defentsan aktibatzeko beharra.

Ildo horretatik, bere garaian esan genuen, gaur esaten dugu, eta bihar ere esaten jarraituko dugu; erakunde, alderdi eta sindikatuekin elkarrizketarako bide guztiak bilatuko ditugu, benetako bakea, bizikidetza eta, ahal izanez gero, adiskidetzea lortzeko bidean aurrera egiteko.

Egun hauetan egin nahi izan den bezala, erakunde desberdinekiko elkarrizketaren bidea kriminalizatzen saiatzea nekez uler daitekeen hipokrisia ekintza da. Lehenago hitz egitea beharrezkoa bazen, gaur egun, ETA desagertu eta hamar urtera, euskal presoen egoerari irtenbide humanitarioak bilatzeko elkarrizketa kriminalizatzea ulergatiza da.

Espero dugu gure jarduera kriminalizatzeko jarrera hori baliagarria izatea Sarek edo beste erakunde batzuek herri-administrazioekin, alderdiekin eta abarrekin duten harremana, behin betiko, normalizatzeko.

Saretik argi utzi nahi dugu gure lanarekin jarraituko dugula, egiten ari garen bezalaxe; kalean mobilizatzen, eta, era berean, hitz egiten eta gure aldarrikapenak erakunde, alderdi, sindikatu eta abarrei helarazten. Eta hori ez da aldatuko inongo hedabidek guztiz normalak eta beharrezkoak diren elkarrizketak edo bilerak filtratu izanagatik. Euskal gizarteari elkarrekin bidea egin dezagun eskatzen jarraituko dugu, benetako bakearen bidean, batasunetik bakarrik egin ahal izango baitugu aurrera.

Horrekin guztiarekin lotuta, SARE herritarrak salatu nahi du gure bozeramaileetako bati, Joseba Azkarragari, egiten ari zaion jazarpena. Jazarpena, zenbait komunikabidek, gai honi buruz egin nahi izan duten erreportajearekin batera, NAren txostenaren kopia bat argitaratu izanaren ondorio izan da, zeinetan Azkarragaren datu pertsonalak ageri ziren, tartean, telefono mugikorraren zenbakia; horrek eragiten duen kaltearekin, dei eta mezuen bidez mehatxuak eta irainak jaso baititu.

Ez politikan, ez kazetaritzan, ez justizian, dena ez da zilegi.

Datozen ekimenak

AZKEN BIDEOAK #IZANBIDEA