Bi hilabete igaro dira Gernikan \u201cKonponbiderako giltza\u201d manifestua aurkeztu genuenetik. Ez dira gutxi izan ordutik hona jasotako atxikimendu eta ekarpenak eta oraindik ere giltza gehiago izatea da gure helburua, giltza gu geuk izan behar baitugu. Konponbiderako Giltza. Etxerako Giltza.<\/p>\n
Ateak zabaltzen gabiltza, beste ate batzuk betiko zarratu ahal izateko.
\nUrteetan itxita izan diren ate ugari zabaltzeko bidea izan gara. Gutako bakoitza bere txikitasunetik, emaniko urrats txiki bakoitza bide egiteko bide izan delako.<\/p>\n
Urruntze politika amaituta lehen gabonak izango ditugula esan genezake, baina oraindik ordea behin eta berriz euskal presoek etxerako bidea itxita dutela salatzea dagokigu. Eta Horretan gabiltza.<\/p>\n
Salbuespenezko legediek eta salbuespenezko epaitegiek giltzarrapo izaten jarraitzen dute, baina bidean aurrera egiteko prest gaude. Urratsak ematen jarraitzeko unea da, konponbidearen eta benetako bake baten aldeko konpromisoa erakutsiz. Salbuespena lege den bitartean, oraindik, giltza ugari astindu behar ditugulako, hasitako pausuei jarraiki, atariraino bide egiteko unea da.<\/p>\n
Esperantza hitza gure elkarrizketara itzuli da, urte luzeetan giltzapean bahiturik egon ostean. Elkarlanean jarraituz gero, etxera bidea gertu egon litekeenaren itxaropena.<\/p>\n
Jarrai dezagun ateak zabaltzen, salbuespenari ere zirrikitu oro zarratzeko.<\/p>\n
Datozen egunetan ere milaka giltza izanen gara. Gabonetan ere astinduko ditugu giltzak auzo eta herrietako kaleetan, fabriketan, erakundetan… eta gaur hemen espetxe atarian. Giltzen olatu bihurtuko dugu Bilbo urtarrilaren 13an, atzo jakinarazi bezala ordubeteko aurrerapenarekin, 16:00tan, baina helburu berberarekin. Bilboko kaleak konponbiderako, elkarbizitzarako eta etxerako giltzez betetzera.<\/p>\n\n\t\t