SARE HERRITARRAk eta IKASMIRA (EHU) elkarteek euskal presoen eskubideak urratzen dituen salbuespen legediaren txosten bat aurkeztuko dute NBEko giza eskubideen batzordean.

Txosten honek Espainiar Estatuaren egungo kartzela politikak urratzen dituzten eskubideak biltzen ditu, hainbat eremutako babes zabala jaso du; horien artean lehendakari ohi diren Garaikoetxea eta Ibarretxerena; Garbiñe Bihurrun epailearena; Jabier Sadaba flosofoarena, edo Arantza Amezaga idazlearenak, esaterako, eta politikagintzan, sindikalgintzan, kulturan edo unibertsitatean diharduten norbanako askorena ere bai.

SARE Herritarrak eta Ikasmirak gaur antolatu dugun prentsaurrean babes horren guztiaren ordezkaritza dugu; ondorioz, bertan izango dira SAREren bozeramaile diren Joseba Azkarraga eta Bego Atxa, baita EHUko kide eta abokatua den Iñaki Lasagabaster ere. Txosten honetan gaur egun espainiar estatuko kartzelatan dauden 203 euskal presoren egoera aurkeztuko dugu, hau da, bertan aurkeztuko ditugu bizi duten salbuespen legedi honen ondorioz, presoei urratzen zaizkien eskubideak zein diren.

Azkenik, txosten hau Europako partaide diren herrialdeetako eskubideen egoera aztertzen duen NBEko Giza eskubideen batzordean aurkeztu da. Izan ere, herrialde bakoitzak bost urtean behin pasa behar izaten du azterketa hau, eta aurtengo urrian izango da Espainiaren txanda.

¡Necesitamos ayuda en la defensa de los derechos humanos!

Si quieres tomar parte en la red y realizar una aportación económica, te invitamos a ser SOCIX, a ser Sare

Ser Sare