Sin categoría

ORAIN PRESOAK dinamikako kideen agerraldia Donostian

Orain Presoak dinamikako kideek egindako agerraldiak bi helburu bete asmo zituen; batetik, jaso duzuen deialdia aurreratu dugun moduan, Urriak 20ko konbokatoriaren baitan egin behar izan dugun aldaketa garrantzitsu baten berri emateko eta bestetik, uda aurretik eta udan zehar Madrildik jasotako berri eta mezuen inguruko gure irakurketa egin eta manifestaziora batzeko arrazoiak helarazteko:

Lehen lehenik, jakinarazi nahi dugu, Urriak 20rako Bilbon deitua genuen manifestazioa Donostiako (Antiguoko Tuneletik) kaleetara lekualdatzera behartuak aurkitu garela. Izan ere, Urriak 20an Bilbon Bilbao Night Marathon lasterketa antolatu dute eta barne sailak jakinarazi digunez, bi ekitaldiak bateraezinak dira, Bilbo hiri osoa moztu beharko genukeelako eta guztiok ikusten dugu horrek arazo larriak eragin ditzakeela. Horregatik, eta arazoa benetan pisutsua dela ulertuta, manifestazioa hiriburuz aldatu eta deialdia Donostiara egitea erabaki dugu.

Hiriburuz aldatu arren, urriaren 20ko datak helburu berak mantentzen ditu. Orain Presoak dinamikaren baitan antolatu eta batu garenok, ETAren disoluzioaren ostean ireki den garai berria probestu eta aspaldidanik espero dugun aldaketa gauzatu dadin gure hondar alea jarri nahi dugu. Bakerantz eta elkarbizitzarantz eramango gaituen aldaketaz ari gara. Sufrimendu gehiago sortzeari utzi eta korapiloak askatu zein zubiak eraikiko dituen jendarte baterantz eramango gaituena.

Horretarako, ekainaren 2an eginiko aurkezpenean azaldu moduan, ezinbestekotzat jotzen dugu milaka kilometrotara urrunduak diren eta giza eskubideak urratuak zaizkien euskal presoen egoerari irtenbidea ematea. Jakitun gara, herri honetan bizi garenon artean, minak eta oinazeak askotarikoak direla. Ez ditugu horiek ahantzi ez eta atzean utzi nahi. Aurrez esan bezala, gure nahia elkarbizitzan eta bakean den jendarte baterantz urratsak ematea da, horretarako zauriak sendatu eta korapiloak askatzea beharrezkoa delarik. Baina, argi dugu ere, oraindik orain, indarrean den espetxe politika aldatu ezean, giza eskubideak urratuak izateaz gain, presoen senideak, bereziki haurrak eta adinduak direnak, sufrimendua pairatzen jarraitzen dutela, astebururo astebururo milaka kilometro egitera behartuak izanik edota larriki gaixo diren euren senideak hain urrun izanda, alerta egoeran bizitzera behartuak egonez.

Zentzu honetan, azken hilabeteetan hainbat ahots entzun ahal izan ditugu espetxe politika honen aldaketa beharraz mintzo izan direnak. Guztiak pozez eta esperantzaz jaso ditugu. Bereziki, aipatzekoak dira, Madrilen gauzatutako gobernu aldaketaren ostean Espainiako presidentearen zein barne ministroarengandik jasotako mezuak. Lehen aldia da presidente baten ahotik halakoak entzuten ditugula eta zentzu horretan, pozgarria deritzogu emandako jarrera aldaketa. Baina, esan beharra dugu ere, oraindik ez dugula argi zein den proposatzen duten bide-orria. Eta horrek kezka ere sortu du. Benetako aldaketa batez ari bagara, hitzak ez ezik, ekintzak ere beharrezko baitira, eta helburu garbiak; sufrimenduarekin amaitzea, giza eskubideak errespetatuak direla ziurtatzea, legea betearaztea eta bakerako zein elkarbizitzarako baldintzak sortzea. Hori da, gure ustez, jendarte honek merezi duena eta gure ondorengoei utzi beharreko ondarea. Ez baitugu sinesten, inork, herritarrok azken urte luzeetan bizi izan duguna gure atzetik datozenei opa dienik. Ez dugu halakorik astakeriarik sinetsi nahi.

Horregatik, dinamika honen baitan gabiltzanok, aipatzen dugun aldaketa horren oinarriak ezartzeko unea dela konbentzituak gaude. Horretarako aukerak zabaldu zaizkigulakoan gaude eta guztiok desio dugun sufrimendurik gabeko egoera berri bat eraikitzeko, gutako bakoitzaren bultzada behar beharrezkoa dela uste dugu. ETAren disoluzioak, iparraldean gizarte zibilaren inpultsuz Estatu frantsesak emaniko urratsak eta Madrilen ezarritako gobernu berriak auziaren baitan itxuraz duen jarrera aldaketak ate berriak zabaldu ditu bai, baina jakin badakigu, haize bolada batez berriro ere ixteko arriskua badela, batez ere, Espainian hauteskundeak ate joka diren honetan. Hala ba, herritar oro gonbidatu nahi dugu gurekin batera bakearen eta elkarbizitzaren norantzan ekitera eta espainiar gobernuari urratsak determinazioz emateko, hitzetatik ekintzetara igarotzeko, eskatzera. Finean, zabaldutako ateek eskaintzen duten aldaketarako aukera, oinarri atzeraezin bilakatzera. Ondoren datorren inork, jada atzean uzten gabiltzan garai ilunetara itzultzeko nahia izanez gero halakorik egin ahal ez dezan.

Urriaren 20ko zita horretarako da hain zuzen ere, elkarrekin eragiteko. Urratsak eman daitezen bultzatzeko. Aldaketa egi bilakatzeko. Gaur, zuetako bakoitzarengana zuzentzen gara. Orain dugu urteetan luzatu den sufrimenduarekin amaitzeko aukera. Zauriak ixten hastekoa. Korapiloak askatzekoa. Bakean eta elkarbizitzan den jendarte bat eraikitzeko aukera.

Urriaren 20an zatoz zu ere Donostiara.


Giza eskubideen alorrean lan egiten duten hainbat pertsona bildu ditugu gaur Estibalitzeko santutegian, eremu horrekin lotutako hainbat gairen inguruan eztabaidatzeko.

Beste gai batzuen artean, euskal presoen egoeraz, gaixotasun larriak izan arren kartzelan daudenenaz, edo pertsona hauei aplikatzen zaizkien ohiz kanpoko arau eta legediaz jardun gara.

Besteak beste, CEAR, Salhaketa eta Argituz elkarteetako ordezkariekin batera, giza eskubideen inguruan lanean diharduten beste hainbat pertsonek hartu dute parte bileran, esaterako, Paco Etxeberria forentseak, Paul Rios Lokarriko ordezkariak, Iñaki Lasagabaster EHUko irakasleak eta Patxi Ormazabal Euskal Gobernuko sailburu ohiak.

Gogoeta ariketaren ondorioak dokumentu batean jaso eta zenbait erakunde publiko zein jendarte osoarekin partekatzeko asmoa dugu.

Guztiok bat egiten dugu gaurko hausnarketaren osagai batekin: euskal jendarteak, eta baita espainiarrak ere, jabetu behar du, afera ez dela eztabaida ideologiko alderdikoi soila, Giza Eskubideen urraketa larria baizik.

> Pretsan bildutakoak

> NAIZ

Sare elaborará un documento sobre la vulneración de los derechos de los presos.

La red ciudadana Sare elaborará un documento sobre la situación de los presos vascos, que enviará a las instituciones públicas y hará público para concienciar a la sociedad de que se trata de «un grave problema de vulneración de derechos humanos».

Jarraitu irakurtzen

> BERRIA

Presoen egoeraz dokumentu bat landuko dute hainbat eragilek

Sarek bildu ditu, besteak beste, CEAR, Salhaketa eta Argituz elkarteetako kideak eta Paco Etxeberria auzi medikua eta Paul Rios Lokarriko koordinatzaile ohia. Presoen egoeraz eta giza eskubideen urraketez aritu dira.

 

Jarraitu irakurtzen

> EITB

Sarek presoen egoerari buruzko txosten bat landuko du.

Plataforma horretako zenbait kide Estibalizko santutegian bildu dira gaur hainbat elkartetako ordezkariekin.

Jarraitu irakurtzen


Sarek “Jendartea, espetxe politikaren aldaketarako motorra” jardunaldiak antolatu ditu

Iaz abiatutako ekimenari segida emango dion bigarren edizio honek jendarteak duen eta izan behar duen protagonismoa aldarrikatu nahi du

Sare Gasteizek antolatu dituen jardunaldien bigarren edizioa “Jendartea, espetxe politikaren aldaketarako motorra” aurkeztu du, mugimendu sozial eta sindikalen eragilekin batera.  Jardunaldi hauek iaz abiatutako ekimen bat dira eta iazkoak izandako harrera ona dela eta aurten ere errepikatzea erabaki dugu. Bai iazkoan bai aurten Gasteizko udalaren laguntzarekin kontatu dugu ekimen hau aurrera eramateko.

Hiru helburu nagusirekin abiatu ziren iaz, eta hiru helburu nagusi horiek mantentzen dituzte aurten ere. Lehenik, giza eskubideen alde jendartearen parte hartze iraunkorra sustatzea; horrez gain, giza eskubideen urraketaren berri ematea eta hauekin amaitzeko proposamenak aztertzea eta, azken helburu bezala, bizikidetza sustatzeko ekarpena egitea.

Hiru hitzorduen xedea “Jendartea, espetxe politikaren aldaketarako motorra” leloa esanahiez osatzea da; jendarteak bere protagonismoaz jabetu eta ahalduntzea giza eskubideak urratzen dituen espetxe politika aldatzeko, alegia. Horretarako, aurten zehazki, komunikabideek alor honetan egin dezaketen ekarpena aztertu nahiko genuke. Horrez gain, dispertsioa pairatzen duten umeen kasuan sakondu nahi dugu, motxiladun umeak deitutakoen egoera ezagutzera eman era hurbil batean. Azkenik, bakearen artisauek armagabetzean egindako ekarpena aztertu nahiko genuke, ostean, presoen eremurako ondorioak atera ahal izateko.

Jardunaldiak hiru eguneko iraupena izango dute: azaroaren 21, 22 eta 23, hau da, hurrengo asteko astearte, asteazken eta osteguna. Ordutegiari dagokionez, 19etan hasi eta 21ak aldera bukatuko diren saioak izango dira. Lehen bi egunak Goiuri jauregian egingo ditugu eta hirugarrena Gasteizko Europa Jauregian; “Gasteiz aretoan”, hain zuzen.

Lehen egunak, Azaroak 21, “Komunikabideak eta elkarbizitza eskenatoki berrian” gaia jorratzeko balioko du. ETAk hartutako aldebakarreko erabakien ondoren, elkarbizitza guneak sortzeko bidean komunikabideek duten papera aztertuko da. Bertan Edurne Portela idazlea; El País-eko kazetaria den  Luis Aizpeolea; Garako zuzendaria, Iñaki Soto eta idazle eta EHUko irakaslea den Laura Mintegi arituko dira hartu-emanean, Naiz-eko kazetari den Ion Telleriaren dinamizazioarekin.

Bigarren egunak era bereziki gordinean dispertsioa pairatzen duten umeen kasua ezagutzeko balioko du. Era hurbilean landuko da gai hau; motxiladun umeak dokumentala ikusi ahalko dugu, eta ostean solasaldia egingo da. Bertan parte hartuko dute Kontxi Ibarreta (Izar-en amona), Peru del Hoyo (espetxean hil den Kepa del Hoyoren semea) eta Maite Diaz de Heredia preso ohia, espetxean ama izandakoa eta bere semea, motxiladun haur bat dena. Belen Arrondok, EH Bilduko biltzarkide ohia eta egun irakaslea dena izango da moderatzailea, Sareko kideek azaldu duten bezala egun hau bereziki interesgarria izan daitekelako hezkuntza munduko lagunentzat.

Azken eguneko izenburua “Bakearen artisauak: Gizarte zibila bakearen konponbidean” da. Gizarte zibilaren ekarpena ETA-ren armagabetzean ikusita, presoen eskubideen defentsan eta zehazki dispertsioaren bukaeran jendarteak egin lezaken ekarpena aztertuko da. Horretarako Agus Hernan, Foro Sozialeko koordinatzailea, Anaiz Funosas, Bake Bidean-eko presidentea, Fernando Armendariz, Giza Eskubideen aldeko aktibista eta arlo honen eta nazioarteko gaien irakasle, eta Joseba Azkarraga Sareko bozeramalea gonbidatu ditugu. Egun horretan Teresa Todak, kazetari, aktibista eta Egin egunkariko zuzendari ohia, gidatuko du saioa

 


Giza eskubideen alorrean lan egiten duten hainbat pertsona bildu ditugu gaur Estibalitzeko santutegian, eremu horrekin lotutako hainbat gairen inguruan eztabaidatzeko.

Beste gai batzuen artean, euskal presoen egoeraz, gaixotasun larriak izan arren kartzelan daudenenaz, edo pertsona hauei aplikatzen zaizkien ohiz kanpoko arau eta legediaz jardun gara.

Besteak beste, CEAR, Salhaketa eta Argituz elkarteetako ordezkariekin batera, giza eskubideen inguruan lanean diharduten beste hainbat pertsonek hartu dute parte bileran, esaterako, Paco Etxeberria forentseak, Paul Rios Lokarriko ordezkariak, Iñaki Lasagabaster EHUko irakasleak eta Patxi Ormazabal Euskal Gobernuko sailburu ohiak.

Gogoeta ariketaren ondorioak dokumentu batean jaso eta zenbait erakunde publiko zein jendarte osoarekin partekatzeko asmoa dugu.

Guztiok bat egiten dugu gaurko hausnarketaren osagai batekin: euskal jendarteak, eta baita espainiarrak ere, jabetu behar du, afera ez dela eztabaida ideologiko alderdikoi soila, Giza Eskubideen urraketa larria baizik.

> Pretsan bildutakoak

> NAIZ

Sare elaborará un documento sobre la vulneración de los derechos de los presos.

La red ciudadana Sare elaborará un documento sobre la situación de los presos vascos, que enviará a las instituciones públicas y hará público para concienciar a la sociedad de que se trata de «un grave problema de vulneración de derechos humanos».

Jarraitu irakurtzen

> BERRIA

Presoen egoeraz dokumentu bat landuko dute hainbat eragilek

Sarek bildu ditu, besteak beste, CEAR, Salhaketa eta Argituz elkarteetako kideak eta Paco Etxeberria auzi medikua eta Paul Rios Lokarriko koordinatzaile ohia. Presoen egoeraz eta giza eskubideen urraketez aritu dira.

 

Jarraitu irakurtzen

> EITB

Sarek presoen egoerari buruzko txosten bat landuko du.

Plataforma horretako zenbait kide Estibalizko santutegian bildu dira gaur hainbat elkartetako ordezkariekin.

Jarraitu irakurtzen


100 bat lagunek Gernika-Lumon salaketa publiko eta kolektiboa egin dute

100 bat lagunek Gernika-Lumon salaketa publiko eta kolektiboa egin dute

Gaur 100 bat lagunek Gernika-Lumon salaketa publiko eta tkolektiboa egin berri dugu, euskal preso, iheslari eta beraien hurbilekoek pairatzen duten eguneroko egoera aldatzeko exijituz.

Eremu eta sektore ezberdinetako herritarrek “Erradiografiak. Gernikako dispertsioaren ispilua” liburuxkatik hainbat pasarte baliatu ditugu horretarako.
Bihar, urriak 15, gaixotasun sendaezinak dituzten presoen kaleratzea eskatzeko manifestaldira deialdia egin dugu ere.

ARGAZKIAK

Giza eskubideen defentsan laguntza behar dugu!

Gurekin parte hartu eta ekarpen ekonomikoa egin nahi baduzu SAREINA izatera gonbidatzen zaitugu. Izan Sare!

Izan Sare


Orain, kaleak betetzea besterik ez zaigu geratzen

gasteizIragan ekainaren 2an, SARE Gasteizek prentsaurreko bat eskeini zuen hiriaren erdigunean, Leizaola Lehendakariaren omenezko Plazan hain zuzen ere, hain justu Olagibel osasun-etxea eta Santiago Ospitalaren parean. Bi zentro mediko hauetan edo ospitale publikoen euskal sareko beste edozeinetan tratatua beharko luke izan gure auzokidea den eta gaixorik dagoen José Ramón López de Abetxukok. Inoiz ez espetxean. Inoiz ere ez lekutan dagoen kartzela batean. Inoiz ez oraindik preso den honek bere zigorra osorik bete duenean.

Ekainaren 2an aurkeztu genuen eta lantzen hasi ginen aurreko hilabetetan SARE Gasteizen jorratzen ibilitako kanpainia. Denbora honetan zehar argi ikusarazi nahi izan dugu José Ramónen eta bere antzeko egoeratan dauden beste zenbait presoren errealitateari buelta emateko ezinbestekoa dela jendartearen parte hartzea. Argi utzi dugu ezinbestekoak garela presoak etxera itzul daitezen. Justizia eskaera hauen aurrean baina, oso bestelako deskonfidantza eragiten dizkigute Espainiako Auzitegietatik irits daitezken erabakiak, beti ere barne ministerioaren agindu arbitrarioen neurrira ebatsitako erabakiak izanik. Hargatik guztiagatik, jendarteak eragin dezaken presio soziala ezinbestekoa dela diogu berriz ere.

Azken asteotan bilkura anitz egin dugu udal talde eta erakundekin. Haiekin partekatu dugu Abetxukok bizi duen egoera, oraindik ere preso egonik, Gasteizko Udalak, bertan aurkeztutako bi mozioei erantzunez, bere askatasuna birritan eskatu badu ere. Udal-talde guztiekin hitz egin dugu. Bilkura pertsonalak izan ditugu EH Bildu, EAJ-PNV, PSE, Ahal dugu eta Irabazirekin eta telefono bidez, bere agenda betearen gorabeherak medio, Alderdi Popularreko zinegotzi den Leticia Comerónekin. EAJk eta EHBilduk aurkeztu zuten lehendabiziko mozioa 2012. urtean, Arabako jendartearen eremu ezberdineko 200 pertsonek babestutako testua hain zuzen eta bi urte berandugo 3000 gasteiztarren sinaduren babesarekin oraingoan, mozio bera aurkeztu zuten. PSE José Ramón López de Abetxukoren askatasunaren alde azaldu zen eta oraingoan bere taldeko zinegotziak prentsaurreko bateratuan parte hartzeko gonbidapena egiteko konpromisoa hartu bazuen ere, azkenean 4 zinegotzik osatzen duten PSE udal taldeko inor ez zen agertu iragan asteartean egindako ekimenera. Podemosek eta Irabazik berriz, bestelako formulak hautatu dituzte euren atxikimendua adierazteko eta larunbatean izanen den manifestazion parte hartuko dutela baieztatu dute.

Oso kezkagarritzat jotzen dugu azken hauteskundeen ostean udal ordezkariak diren Gasteizko PSEko zinegotzien jarrera. Azken hilabeteotan presoen sakabanaketak umeengan eta adin txikikoengan duen eragina salatzeko Etxeratek aurkeztutako mozio baten aurka bozkatu dute, baina aldi berean, aste honetan bertan, euren idazkari nagusiak sakabanaketarekin amaitzearen alde azaldu eta antzeko moduan ere agertu da Mercedes Gallizo Espainiako Espetxe Erakundeetako Idazkari Nagusi ohiak, egun Madrigo Parlamentuan PSOEko Diputatua denak, hain zuzen. Oso deigarria da Gasteizko Udaleko zinegotzi sozialisten jarrera gai honekiko, besteak beste 2011. urtean Patxi Lopez Lehendakari ohiak egindako adierazpenekin bat egiten ez duelako, garai hartan 8. puntuan jasotzen zen legez, “zigortuen hulbitze mailakatua aztertuko dela” adierazi baitzuen.

Udal taldeekin egin bezala, hainbat gazte erakunderekin ere egon nahi izan dugu eta zenbait kasutan hauteskunde-kanpaina medio hitzordurik zehaztea ezinezkoa izan bada ere, gure kezkak eta deitutako mobilizazioaren berri eman ahal izan diegu EGI, Ernai, Gazte Abertzaleak eta Gasteizko Gazte asanbladako kideei. Haiek guztiek José Ramónen askatasunaren alde agertu dira eta euren atxikimendua agertu dute larunbateko manifestazioari begira.

Aste hauetan zehar ere, José Ramónen egoera partekatu dugu ELA, LAB, CCOO, ESK eta STEILAS sindikatuekin. Azken urteotan sindikatu hauetako ordezkari, delegatu zein afiliatuek giza eskubideen alde egindako lana zabala bezain inportantea izan da. Haiek denek atzo bertan egin zuten prentsaurrekoa larunbateko mobilizazioan parte hartzera deituz.

Azkenik, Euskubide sozialen aldeko plataformarekin, HIESAren aurkako Batzordearekin, Salhaketarekin eta Etxeratekin izan ditugu bilkurak. Hiru elkarte hauek ondo baino hobeto ezagutzen dute espetxe politikak eragiten duen sufrimendua eta hirurek bat egiten dute presoen giza eskubideen aldeko aktibazio sozialaren beharraz hitz egitean.

Azken asteotan gogor egin dugu lan eta egun intensoak izan badira ere, egindako lana erabat aberasgarria eta positibia izan da zalantza gabe. Talde, erakunde eta pertsona anitzeko izandako bilkurek argi daukagun zerbait baieztatu digute berriz ere, Gasteizen gai honekiko dagoen gehiengo baten atxikimendua eta adostasuna hain zuzen.

Orain, Gasteizko kaleak betetzea besterik ez zaigu geratzen. Bihar, larunbata, eguerdiko 12.30etan eta Leizaola Plazatik abiatuta, marea hori batekin ikusiaraziko dugu horrenbeste sufrimendurekin amaitzeko urgentzia eta beharra.

Larriki gaixorik dauden presoek osasunerako duten eskubidearen alde aktibatu beharra dugu, Abetxukoren osasun eskubidearen alde eta beste preso gaixo guztien eskubideen alde

Jendartea; herritarrok ezinbestekoak gara eskubide hau gauzatu dadin.

 

BIDEOAK

Kaiola hutsik bait da inoiz baino ederrago 

ABETXUKO ETXERA!