Herriak

"Dispertsioa eta Haurrak" hitzaldia egin zuten Errenterian

Dispertsioa eta haurrak hitzaldia eta bideo emanaldia izan zen Errenteriako Xenpelar Etxean.
Bertan, 40 pertsona inguruk parte hartu zuten. Haizea  Barandiaran psikologoak, Nerea Izagirre, Eider euskal presoaren laguna, eta Kristina Gete, espetxe barruan ama izandakoa, beraien esperientziak bertaratutakoekin partekatu zituzten.
Datorren larunbatean 40 minutos filma estreinatuko dute Reyna aretoan.

Giza eskubideen defentsan laguntza behar dugu!

Gurekin parte hartu eta ekarpen ekonomikoa egin nahi baduzu SAREINA izatera gonbidatzen zaitugu. Izan Sare!

Izan Sare


Zigorren batuketaren eta Europako araudiaren inguruko hitzaldia burutu zuten Arrasaten

Zigorren batuketaren eta Europako araudiaren inguruko hitzaldia burutu zuten Arrasaten.

Onintza Ostolaza abokatuaren eskutik zigorren batuketa eta zehazki Josu Arkauz preso arrasatearraren egoera zertan datzan azaldu zien herritarrei. 60 lagunetik gora bertaratu ziren hitzaldira eta gogorarazi zen, besteak beste datorren abenduaren 30ean, herriko plazan ekimen jendetsua egingo dela, herritarrak bertan parte hartzera gonbidatuz.

Giza eskubideen defentsan laguntza behar dugu!

Gurekin parte hartu eta ekarpen ekonomikoa egin nahi baduzu SAREINA izatera gonbidatzen zaitugu. Izan Sare!

Izan Sare


Soraluzeko hainbat zinegotzi eta alkate ohiek 70 urtetik gora dituzten preso eta exiliatuen giza eskubideen aldeko adierazpena sinatu dute

Soraluzeko hainbat zinegotzi eta alkate ohiek 70 urtetik gora dituzten preso eta exiliatuen giza eskubideen aldeko adierazpena sinatu dute.

agerraldia_sare_soraluze
Soraluzen EAJ, PSE-EE, EA, ezker abertzalearen plataformetan eta EH Bilduko zinegotzi eta alkate izan diren 44 herritarrek agerraldia egin dute gaur goizean Soraluzeko antzokian. Sinatu duten adierazpenean, arrazoi humanitarioengatik, 70 urtetik gora dituzten Eloi Uriarte Diaz Gereño eta Sebas Etxaniz Alkorta soraluzetarren eskubideak errespeta daitezela eskatzen dute, Uriarteri erbestetik itzultzen utzi eta Etxani espetxetik atera dezatela eskatuz.
  • Eloi Uriarte Diaz de Gereñok (iheslaria) 74 urte ditu. Miarritzen bizi da eta 42 urte daramatza etxera bueltatu ezinik.

  • Sebas Etxaniz Alkortak 73 urte ditu. Jaiotzez elgoibartarra da, baina Soraluzera ezkonduta dago. Preso dago Asturiasko Villabona kartzelan, eta legearen arabera, dagoeneko, baldintzapeko askatasunean egon behar luke.

Adierazpenean eskatzen da, 70 urtetik gora edo gaixotasun larriak dituzten preso eta erbesteratutako pertsonen  giza-eskubideak errespetatu daitezela. 2016ko martxoan Donostia, Iruñea, Gasteiz eta Oreretako alkateek sinatu zuten adierazpen bera da.
Ekimen hau, preso, iheslari eta deportatuen giza-eskubideen alde diharduen Soraluzeko Sare Herritarrak bultzatu du.

ADIERAZPENA


ASKATASUNAZ GABETUTAKO PERTSONAK LARRIKI GAIXO EDO ADINDUNEN GIZA ESKUBIDEEN APLIKAZIOAREN ALDE
Idatzi hau sinatzen dugunok uste sendo bat partekatzen dugu: pertsona ororen giza eskubide guztiak defendatu behar dira. Guztiok ditugu eskubide horiek, bai eta askatasunaz gabetuta daudenek ere.
Gainera, ideologia desberdinekoak garen pertsonak ere gure herrian larriki gaixo dauden edo 70 urte baino gehiago duten presoak izateak batzen gaitu. Hau izanda egoera, eta beren eskubideak errespetatzen ez direnez, dagokigun erantzukizunagatik eta arrazoi humanitarioengatik besterik ez bada ere, gure jarrera adierazi nahi dugu eta eskatu pertsona horiek kartzelatik ateratzeko, bai eta egoera berean dauden gainerako guztiak ere.
Lau arrazoik bultzatzen gaituzte jarrera honetara:

[Lehenengo arrazoia] Pertsonen duintasuna errespetatzea, bai eta askatasunaz gabetuta daudenena ere. Guk nahi dugun gizartean botere publikoek pertsona ororen giza duintasuna errespetatzen dela zaintzen dute, iruditzen zaigulako giza duintasunaren printzipio gorena urratzen duen gizarteak ez duela gizakia bera errespetatzen eta gabezia demokratikoa ikaragarriak dituela. Pertsonaren duintasunaren aurkakoa da gaixotasun larria eta sendaezina duen pertsona bat kartzelan mantentzea tratamendua jasotzeko egokiak ez diren baldintzetan.
[Bigarren arrazoia] Zigor jasangaitzen aurka adierazten dugun jarrera da, ez zigorra ezartzerakoan soilik, baizik eta baita zigorraren garapenean ere. Gaixotasun larria eta sendaezina duen pertsona bat askatasunez gabetuta edukitzeak suposatzen du giza duintasunaren printzipioa urratzea, eta kasu askotan zigor bikoitza da, askatasunez gabetutako pertsona horren sufrimendua eta, ondorioz, zigorra bera ere, espetxeratutako beste edozein pertsonarena baino askoz ere handiagoa baita.
[Hirugarren arrazoia] Egoera hauetan legezkotasuna zorrotz aplikatu behar litzateke eta ez dira hala egiten ari, arlo juridikotik haratago doazen hainbat arrazoirengatik.
[Laugarren arrazoia] Azkenik, gure ustez gaixotasun larria eta sendaezina duen preso bati espetxetik ateratzeko aukera ukatzeak zigorraren birgizarteratzeko printzipioa urratzen du. Estatuko Fiskaltza Nagusiaren 1991ko urteko memoriak adierazten zuen gaixotasun larri eta sendaezina duten presoen kasuan askatasunez gabetzeko zigorrek ez dutela betetzen helburu nagusia, alegia, zigortutakoa birgizarteratzea. Zigortzeko helburua besterik ez du ia agonian dagoen norbait kartzelan mantentzeak, ez du zentzurik birgizarteratzera bideratzea agonizatzeko eta hiltzeko besterik kartzelatik irtengo ez den norbait.
Hartara, bergizarteratze-printzipio honek are garrantzi handiagoa du euskal gizartean bakea eta bizikidetza eraikitzeko saiakera honetan. Inolako zalantzarik gabe, eta ikuspegi politikotik, bakea egonkortzen laguntzen duelako eta premiarik gabeko sufrimendua saihesten duelako, horrek ez baitu gizarte berrirako bidea zaildu besterik egiten. Alabaina, ikuspegi juridikotik ere garrantzitsua da, jada ez baitago arrazoirik Estatuko Administrazioaren ustez herritarren segurtasunerako arriskutsua izan daitezkeenik, eta eskubidea ezin delako errealitate sozial berri horretatik bereizi, eta horren arabera interpretatu behar delako. Hartara, ez luke behar eragozpen politiko edo legalik kartzelatik ateratzeko gaixotasun larriak eta sendaezinak edo 70 urte baino gehiago dituzten presoak.
Azkenik, adierazi nahi dugu konpromiso irmoa dugula pertsona ororen giza eskubide guztiak defendatzeko eta eraikitzeko gizarteak ikusi nahi duen egoera demokratikoa; bakea eta bizikidetza oinarri dituena.

SINATZAILEAK


AIZPURU EGUREN, Jose Francisco
AKIZU AIZPIRI, Roke
AKIZU ORMAZABAL, Jesus Mª
ALBERDI ETXANIZ, Fernando
ALDAZABAL BASAURI, Iker
ARGARATE MAIZTEGI, Ramon
ARGARATE UZIN, Mikel
ARIZAGA URIZAR, Jose Luis
ARLUZIAGA ARIZNABARRETA, Hiart
ARRIBILLAGA ASKASIBAR, Cristobal
ARRIBILLAGA BERETXINAGA, Xabier
ARTOLAZABAL ARLUZIAGA, Jesus Mª
AZCONA MIGUEL, Marino
BADIOLA QUINTANILLA, José Luis
BASAURI LETE, Jose Angel
DE CASTRO LETE, Lorea
ELIZBURU MUNIOZGUREN, Santos
ETXEBERRIA ARIZAGA, Mª Rosa
GABILONDO LUGARIZARISTI, Francisco Javier
GALARRAGA ARANA, Luis Felipe
GALLASTEGI ALDAZABAL, Ramon
GARMENDIA ONDARRA, Xabier
HERNALTES GABILONDO, Jose Joaquin
IÑURRIETA LABAIEN, Xabier
ISASTI ARZUAGA, Nerea
KORTABARRIA ARANBURU, Luis Mª
LACUESTA DE LA FUENTE, Larraitz
LARRAÑAGA ORBEA, Etzozi
LARREATEGI AZURMENDI, Unai
MAIZTEGI ABOITIZ, Regina
MORO ZURIARRAIN, Jose Agustin
MURO PEREZ DE HEREDIA, Monika
MURO VELASCO, Pablo Mauricio
NARBAIZA AZKUE, Maite
OCARIZ REMIREZ, Mª Angeles
PEREZ TEMPRANO, Nerea
PRIETO OREGI, Aitor
SANTIAGO ARIZAGA, Mikel
TARDIO CHANO, Jose
TREBIÑO GALARRAGA, Bittor
TXURRUKA MADINABEITIA, Lourdes
UNAMUNO ARANBURU, Ainhoa
VALERO ALBERDI, Pilar
ZABALA ARRIETA, Nagore

Giza eskubideen defentsan laguntza behar dugu!

Gurekin parte hartu eta ekarpen ekonomikoa egin nahi baduzu SAREINA izatera gonbidatzen zaitugu. Izan Sare!

Izan Sare


Larriki gaixorik dauden euskal presoen askatasuna eskatzeko Bizikleta martxa egin zuten Oiartzunen

Larriki gaixorik dauden euskal presoen askatasuna eskatzeko Bizikleta martxa egin zuten Oiartzunen

Larriki gaixorik dauden presoen egoerak kezkatzen gaituelako 19an Baionan izan ziren hainbat oiartzuar, eta azaroaren 20an, berriz, herriko txirrindulariek eta osasun langileek deitutako bizikleta martxan hartu dute parte 60 bat lagunek. Bertan, haur, gazte, heldu… kirolari, eta osasun langile izan dira pedalkadaz pedalkada egoera hori salatu eta kalean mezua zabaldu dutenak. Auzoz auzo Gurutzen hasi eta herriko plazaraino. Aurretik anbulantzia bat joan da, larriki gaixorik dauden presoen etxeratzea exijitzeko.

Giza eskubideen defentsan laguntza behar dugu!

Gurekin parte hartu eta ekarpen ekonomikoa egin nahi baduzu SAREINA izatera gonbidatzen zaitugu. Izan Sare!

Izan Sare


Sare Eibarrek Ibon etxera! dinamika aurkeztu du

ibon-mun%cc%83oa-etxera-15

Kondenaren 3/4ak bete dituen Ibon Muñoa euskal presoaren egoera salatu dute Eibarko hainbat herritarrek

Eibarren 1958ko maiatzaren 18an jaioa. 58 urte ditu.
2000ko urriaren 17an atxilotua izan zen. 16 urte bete ditu kartzelan.
Bere kartzela zigorra 20 urtekoa da.

Valdemoron urte t’erdi (1 ½) eginak ditu, Cordoban beste urte t’erdi (1 ½), Puerto de Santa Marian hamaika urte (11), eta orain berriro Cordoban dago, 800kmra.
Beti egon da Euskal Herritik oso urrun, bere zigorra, etxetik ahalik eta gertuen EUSKAL HERRIAN  betetzea zegokionean.
Gaur egun MIRENTXIN kolektiboko bolondresei esker asko arindu dira bidaietako baldintzak. Hala ere, furgonetan joanda 95€ kostatzen da astero, eta aste erdian “bis a bis” bisita jartzen dietenean, trenez joanda eta bertan lo bat eginda 250€.

Gurasoak hil eta haien hiletarako traslado bakoitzean, 9 kartzela baino gehiago pasatzen zituen, aste oso bat nun zegoen arrastorik gabe eta oso tratu ankerrarekin, urik ere etzioten ematen bidaian.

Bere zigorraren ¾ beteak ditu, eta espreski Euskal Presoentzat egindako legedi berezirik ez balego, ETXEAN, baldintzapeko askatasunean behar luke. Astean 40 minutuko bisita bat (kristalezko kabinan) eta hilean 1 ½ edo 2 orduko 2 “vis a vis” bisita izateko eskubidea du. Baina “vis a vis”ak aste erdian izaten dira sarri, horrek suposatzen duen guztiarekin.

Lagunen bisitak mugatuak ditu, 6 hilebetero 10 laguneko zerrenda bat egin behar du, eta Audientzia Nazionalak onartu; beste lagunik ezingo da joan bisitara.
Astean 2 eskutitz, eta 5 minutuko 8 telefono dei egin ditzake.
Kartzelako bizimodua oso mugatua du, ikasketak ia guztiak erderaz dira, gauzik arruntenak ezin ditu eduki,… ez Cdrik, ez artilerik… bere ziegan izan ditzaken liburu kopurua ere mugatua du…

Egunean 2 ordu bakarrik ditu patioan ibiltzeko, bere lagun bat bakarrik ikusi dezake, nahiz eta modulo berean 5 kide egon. Sarritan moduloz aldatzen dute, lagunetatik bananduz.

Eskerrak Ibonek idazteari eman dion. Hor dauka kartzela barruko bizimodua arintzen laguntzen dion euskarria. Dagoeneko poema eta bertsoz osatutako hiru liburu idatzi ditu: Ametsen txokoan bizi naiz (2012), Ainarak herrira itzuliko dira (2014) eta Bidean gaude, aurrera goaz, joan zirenekin (2016).

Eta orain, Eibarko SARE, Ibonen egoera hau salatzera dator. Ibonen kasuan bi eskubide urraketa nabarmen ikusten ditugu: dispertsioarena batetik eta legedi bereziarena bestetik. Horregatik gaur aurkezten dugun kanpaina honen lelo bikoitza #StopDispertsioa / Ibon ETXERA! izango da, eta hatzamar salatzaile hori, kuretzetxoarekin eibartar kutsua eman nahi izan diogun hori, erabiliko
dugu euskarri bezala.

Kanpaina honetan, hasi orain eta Sanjuanak bitartean, hilero ekitaldi esanguratsu bat burutzeko asmoa dugu.

Abenduaren 27an, Coliseuan Eibarko abeslari eta musikariekin jaialdixa.
Jaialdi honetako partaideen eta orduaren berri emango dugu, eta aurrerantzean burutuko ditugun  ekitaldiak ere aurkeztuko ditugu bere garaian.

Eta ez dugu bukatu nahi, dispertsioak dagoeneko kotxe istripuetan eragindako 16 hildakoetatik bat eibartarra zela gogora ekarri gabe. Iñaki Saez, Amañako semea, 39 urterekin, 2001eko Arrate egunez Avilako bide bazterrean bere bizia galdu zuena.

Eibarko 1. Berakatz-zopa txapelketa


Giza eskubideen defentsan laguntza behar dugu!

Gurekin parte hartu eta ekarpen ekonomikoa egin nahi baduzu SAREINA izatera gonbidatzen zaitugu. Izan Sare!

Izan Sare