Herriak

Ia 7.600 egun, 20 urte luze: "Fernan Euskal Herrira!" manifestazioa Sestaon

Fernando Alonso presoa Euskal Herrira ekartzearen aldeko manifestazioa egingo dute Sestaon ekainaren 3an.

Ia 7.600 egun, 20 urte luze. Denbora guzti hau darama gure herrikidea den Fernando Alonso Abad euskal presoak etxetik urrun, espainiar estatuko kartzela ezberdinetan sakabanatua. Egun Galizako A Lamako kartzelan dago, Sestaotik 597kmra, salbuespenezko legedia aplikatuta eta eskubideak etengabe urratuak.

Urte guzti hauetan bere senide eta hurbilekoek milaka ordu egin behar izan dituzte errepideetan Fernan bisitatu ahal izateko, honek dakarren arriskuarekin (euskal presoen 16 senide hil dira errepideetan sakabanaketa politika ezarri zenetik). Urteko bidaien kostua ere ez da makala: 9.134,92€. Senideei ezarritako zigor erantsia, eta odoluste ekonomiko larria, beraz.

Euskal preso, iheslari eta deportatuen giza eskubideen aldeko Sare herrutarretik deia luzatzen dizuegu gurekin batera Fernan Euskal Herrian behar duela aldarrikatzera. Giza eskubideen alde, konponbidearen alde eta bakearen defentsan, eman ezazu urratsa eta zatoz ekainaren 3an (larunbata), 13:00etan Sestaoko La Pelako bidegurutzetik hasita antolatu dugun mobilizaziora.

Giza eskubideen defentsan laguntza behar dugu!

Gurekin parte hartu eta ekarpen ekonomikoa egin nahi baduzu SAREINA izatera gonbidatzen zaitugu. Izan Sare!

Izan Sare


Gogorzaren askatasuna aldarrikatzeko mosaikoa egingo dute Orereta-Errenterian

Mosaiko erraldoia egingo dute uztailaren 1ean Orereta-Errenterian, larriki gaixorik dagoen Aitzol Gogorza presoari 100.2 artikulua ezartzea eskatuz.

Orereta Errenteriako herritarrak gara eta gure ezberdintasunak alde batera utzita pertsona guztientzako ezinbestekoak diren giza eskubideak defendatzeak batzen gaitu.

Osasunerako eskubidea, oinarrizko eskubidea da,baina, horrez gain, eskubide unibertsala, ere, bada. Pertsona guzti guztiei zor zaie, aske zein preso egon. Inongo lege eta arautan ez da esaten pertsona batek, aske ez egoteagatik, osasuna eta tratu duina izateko eskubiderik ez duenik.

Hori kontutan hartuta, gure kezka adierazi nahi dugu gure bizilaguna den Aitzol Gogorzak bizi duen egoeragatik. Gaixotasun psikologiko larria eduki arren, espetxean mantentzen dute. Gure ustetan, Aitzolen egoera ez dator bat bere espetxeko egonaldiarekin. Legearen arabera, 100.2 artikuluaren arabera hain zuzen ere,larriki gaixo dauden presoek espetxealdi arin bat edukitzeko eskubidea dute, haien gaixotasunarentzat aproposa den tratamendua jaso dezaten.

Egia da gaixotasun larria duen pertsona bat espetxetik ateratzeak ez duela gaitz larri bat sendatzea bermatuko, baina pertsona horrek hobera egin dezan eta bilakaera geldoago bat izan dezan lagunduko du, zalantzarik gabe.

Aitzolek eta bere gertukoek pairatzen duten sufrimenduarekin amaitu behar dugu. Horregatik, Aitzoli 100.2 artikulua ezartzea eskatzen dugu; espetxetik kanpo eta bere ingurune afektiboan tratamendu egokia jaso dezan. Giza eskubideen defentsan artisau asko beharko dira. Ezberdinen arteko zubiak eraikiz eta indarrak batuz, hain beharrezkoa zaigun, hainbestean amestu dugun konponbidea lortuko dugu.

Horregatik, dei egiten diegu giza eskubideen alde dauden lagun guztiei, uztailaren 1ean arratsaldeko 18:00etan Zumardian gauzatuko dugun mosaiko erraldoian era aktibo batean parte hartzeko; gure bizilaguna den AItzol Gogorzaren askatasuna aldarrikatzeko.

AITZOL ETXERA!

Giza eskubideen defentsan laguntza behar dugu!

Gurekin parte hartu eta ekarpen ekonomikoa egin nahi baduzu SAREINA izatera gonbidatzen zaitugu. Izan Sare!

Izan Sare


"Erreboteraino eta buelta, denak Euskal Herrira!" manifestazioa Gernikan

“Erreboteraino eta buelta, denak Euskal Herrira!” manifestazioa Gernikan, ekainaren 9an

Agerraldi jendetsua egin zuten pasa den ostiralean Gernikan ekainaren 9rako antolatu duten manifestazioa iragartzeko. Hona hemen agerraldian esandakoa:

Erreboteraino heldu gara. Atzean ez dago gehiagorik. Ez dago koadrorik, ez dago kantxarik, ez dago harmailik. Ez dago ezer. Urteak eta hamarkadak pilota frontisera eramaten, eta erreboteraino bidali izan gaitu erantzun gisa. Gaurdaino. Erreboteak Puerto de Santa Maria du izena frontoi honetan; Almeria, A Lama, Moulins-Yzeure, Arles edo Murtzia dei dezakegun bezala. Eta ez dago jairik; kontrakoa baizik. Eta ez dago alaitasunik, goibeltasuna baita nagusi. Ta nekea… Pilota leku berera heltzeko nekea asterik aste.

Ia 30 urtez indarrean dagoen dispertsio politika amaitzeko, norbanako ugari eta ezberdinen indarra eta abiadura behar dugu. Indarra eta abiadura espainiar eta frantziar gobernu zentralek ez dutelako batere borondaterik egoera aldatzeko, giza eskubideak errespetatzeko; legea betetzeko; Euskal Herriko gehiengo sozialak adierazten duena gauzatzeko. Ezta aurtengo apirilaren 8-a eta gero ere. Beraientzat gauzak ez dira ezertan aldatu…ala bai? Guri, herritarroi, berdin zaigu haien usteak. Guk, premiaz eta urgentziaz giza eskubideak errespetatzea, konponbidean oztopo bat ez izatea eta euskal herritarroi bake eskenatoki bat bakean eraikitzen utz gaitzaten nahi dugu. Kitto.

Horregatik, datorren ekainaren 9an (ostirala) arratsaldeko 19,30tan Merkurio plazatik hasita burutuko dugun manifestaziora herritar guztiak bertoratzera deitzen ditugu. “Erreboteraino eta buelta, denak Euskal Herrira!” lemapean izango da, eta, ondoren, Auditorioan ekitaldia burutuko dugu.

Guztion artean lor dezakegulako, EUSKAL PRESO ETA IHESLARIAK ETXERA!

Giza eskubideen defentsan laguntza behar dugu!

Gurekin parte hartu eta ekarpen ekonomikoa egin nahi baduzu SAREINA izatera gonbidatzen zaitugu. Izan Sare!

Izan Sare


Gizakatea Iruñean larriki gaixorik dauden euskal presoen eskubideen alde

Pasa den larunbatean ehunka lagun bildu ziren Iruñean larriki gaixorik dauden euskal presoen eskubideen alde antolatutako gizakatean. Bi kilometroko luzera hartu zuen katea osatu zuten, Marcelo Zelaieta etorbidea eta Atarrabiako etorbidea elkartuz. Ondoren, ekitaldia egin zuten Antsoainen.

Hona hemen ekimenaren laburpen bideoa, Ahotsa.info bidez:

Hemen kus dezakezue Ekinklik-ek osatutako argazki galeria: http://www.ekinklik.org/es/ultimas-coberturas/792-

 

Giza eskubideen defentsan laguntza behar dugu!

Gurekin parte hartu eta ekarpen ekonomikoa egin nahi baduzu SAREINA izatera gonbidatzen zaitugu. Izan Sare!

Izan Sare


Gaixo larrien egoeraren berri eman zen hainbat ospital eta anbulategietan

Gaixo larrien egoeraren berri eman zen hainbat ospital eta anbulategietan maiatzaren 6ko manifestazioaren testuinguruan: Gurutzetan, San Eloyn, Gorlizen, Urdulizen, Gernikan, Basurtun, Santa Marinan, Bilboko Areilzan, Solokoetxen eta Txurdinagan.

Giza eskubideen defentsan laguntza behar dugu!

Gurekin parte hartu eta ekarpen ekonomikoa egin nahi baduzu SAREINA izatera gonbidatzen zaitugu. Izan Sare!

Izan Sare


Iruñerrian ere bai larriki gaixorik dauden euskal presoen askatasunaren alde

Larriki gaixorik dauden presoen egoera inhumanoa bukarazteko jendarte mobilizazioa beharrezkoa da

Mahaiean gauden bi lagunak Marilo Gorostiaga eta Mikel Mundiñano gara, eta SARE-Nafarroaren izenean hitz egingo dugu.

Gaixotasun larriak dituzten presoen egoeraren berri emateko eta beraien osasun arreta duina bermatua izan dadin prentsaurreko honetara deitu zaituztegu, datorren maiatzaren 13an giza kate bat antolatuko dugula jakinarazteko, Atarrabiako eta Marzelo Zelaietako etorbideak lotuko dituena. Guztira, 3500 metro elkartasun, 3500 metro salaketa irmo, 3500 ahalduntze metro giza eskubideen eta mendeku politikak bukatzearen alde.

SARE Herritarrak azken urteetan arreta berezia eskaini die gaixotasun larriak dituzten presoei. Kartzelan dauden euskal presoen kopurua gero eta txikiagoa den arren, larriki gaixo dauden presoen kopuruak gora egin du. Gaur egun 22 preso dira gaixotasun larriak eta sendaezinak dituztenak (minbiziak eta gaitz degeneratiboak).

Horietako hiru nafarrak edo Nafarroan erroak dituztenak dira:

  • Iñaki Etxeberria Martin: “Miopia magna” izeneko gaixotasuna du, baita bi begiak kaltetzen dizkioten beste gaixotasun batzuk ere; ikusmenari modu larrian eragiten diotenak. Itsu geratzeko arriskuan dago.
  • Josetxo Arizkuren Ruiz: Kardiopatia iskemiko larria dauka, bihotzekoa jotzeko edota “bular angina” izateko arriskuari aurre egin behar diolarik egunero.
  • Gorka Fraile Iturralde: Mingainean minbizia atera zaio, ebakuntza egin diote eta gaixotasunari aurre egiteko prozesuan dago.

SARE bezala, giza eskubideekiko hartu dugun konpromisoan eta herritar orori zor zaien eskubide eta askatasun demokratikoen defentsan berresten gara. Oinarrizko arau gisa aitortuak izan behar dira eskubide horiek guztiak; abagune politiko ororen gainetik egon behar direnak. Preso dauden pertsonak ere eskubideak dituzte, aitortu eta bermatu behar zaizkien eskubideen jabe dira.

Horregatik, gaixotasun larriak dituzten presoak espetxean mantentzea; hauen egoera gainera are larriagoa den zigor luzeak ordaintzen dituztenean, espetxeetan osasun arretak dituen gabeziengatik eta sakabanaketak suposatzen duen zigor gehituagatik; oinarrizko eskubideen urraketa larria suposatzen du, bai presoentzat zein beraien senide eta lagunentzat ere.

Oier Gomez gasteiztarraren gaur salatzen ari garen horren adibiderik argiena da, sekula ez zen Oierren egoera muturreraino eraman behar izan, askoz lehenago espetxetik atera behar zelarik. Herritar mobilizazioak soilik lortu du honek bizi zuen giza eskubideen urraketarekin amaitzea. Oierren kasuak jarraitu beharreko bidea erakusten digu. Oierren osasun eskubideak bermatzeko eta honek behar bezala zaindua egotearen alde, bere hurbilekoengatik lagunduta, lan egin duen herritar orori eskerrak eman nahi dizkiegu.

SARE herritarrak euskal gizarteari borrokan jarraitzeko beharra eta deia luzatu nahi dio. Asko dira askatasuna berehala berreskuratu beharko luketen gaixotasun larriak dituzten euskal presoak. Espainiar Gobernuak espetxe politika mendekuan oinarrituta, osasun arazo larriak sortzen ari dizkie oraindik ere preso dauden lagunei.

Egoera latz honen aurrean, Nafarroako gizartea sentsibilizatzeko asmoarekin eta berariaz, 22 pertsona hauen, bereziki Iñakiren, Josetxoren eta Gorkaren eskubideak aitortuak izan daitezen eta lehen bait lehen, zor zaien osasun arreta duina bermatzeko; SAREk, datorren maiatzaren 13an, eguerdiko 13etan, Atarrabiako eta Marzelo Zelaietako Etorbideak lotuko dituen giza katea burutuko du. Giza Sarea, Antsoaingo Enparantza berrian, ekitaldi batekin bukatuko da. 

Era berean, gogorarazi nahi dugu, datorren maiatzaren 6an, arratsaldeko 5.30etan, Gasteizen, manifestazioa burutuko dela, preso erien askatasuna aldarrikatzeko.

Giza eskubideen defentsan laguntza behar dugu!

Gurekin parte hartu eta ekarpen ekonomikoa egin nahi baduzu SAREINA izatera gonbidatzen zaitugu. Izan Sare!

Izan Sare


Sare Gernika-Lumok "Oroimenen Erradiografia 1937-2017" aurkeztu zuen pasa den larunbatean

Gaur, apirilak 8, Oroimenen Erradiografia 1937-2017 aurkeztu dugu, ekitaldi baten bitartez. 80 urtetan Gernikan eta inguruko herrietan izandako preso eta iheslarien datuen bilduma bat burutu dugu eta dossier forma eman diogu. Hainbat sarekidek egindako lanari esker informazio anitza eta ugaria jaso izan dugu eta gaur horrelako emaitza bat eskutartean izateko aukera badugu, beraiei esker da, hein handi batean. Eskerrik asko zuei!

Oroimenen Erradiografia, funtsean, datu base bat da. Bi norabidetan eraikia: jakin bagenekien datu guztiak eskuratzea ezinezkoa izango genuela, eta horregatik amaitu gabea dela aitortzen dugu. Zentzu horretan, inork bertan azaltzen ez den daturen bat balu, gurekin harremanetan jartzea eskertuko genioke. Aldi berdinean, euskarri honen zabalpenaren bitartez, Gernikaren oroimenari gure ekarpena eskeini nahi izan diogu, hainbat pertsonek urte eta hamarkada ezberdinetan pairaturiko giza eskubideen urraketa sistematikoaren erradiografia baten osaketarekin. Eta noski, amaitu gabea ere bada, gaur egun preso dauden pertsonen etxeratzea gauzatu gabe dagoelako. Lanean jarraituko dugu bai fitxategi honetako hutsuneak betetzen jarraitzeko eta Gernikako hainbat etxetan dauden hutsuneak guztion artean betetzeko ere.

Hemendik aurrera, Oroimenen Erradiografia hilabete honetan zehar burutuko diren ekitaldi guztietan zehar presente egotea izango da gure nahia eta ahalik eta zabalpen gehien izateko bideak jarriko ditugu: eskuz eskuz euskarri fisikoa konpartituz, oroimenari loturiko eragileei lan tresna bezala eskainiz, Gernikako hainbat leku publiko eta kolektiboetan egotea bultzatuz eta gure atarian (www.saregernika.eus) pdf-an deskargatzeko aukera izanda.

+ INFORMAZIOA

Giza eskubideen defentsan laguntza behar dugu!

Gurekin parte hartu eta ekarpen ekonomikoa egin nahi baduzu SAREINA izatera gonbidatzen zaitugu. Izan Sare!

Izan Sare


Orereta-Errenteriako zinegotziek Aitzol Gogorza, larriki gaixorik dagoen euskal presoaren askatasunaren alde

Orereta-Errenteriako zinegotziek Aitzol Gogorza, larriki gaixorik dagoen euskal presoaren askatasunaren aldeko adierazpena egin zuten.

OSASUN ESKUBIDEA PERTSONA ORORENTZAT

Gaur,apirilak 7, Osasunaren Nazioarteko Eguna den honetan, Errenteriako Udaleko alderdi politiko ezberdinetako hainbat hautetsi bildu gara, pertsona ororentzat osasun eskubidea aldarrikatzeko.

OMS-k (OrganizaciЧn Mundial de la Salud), 1948 urteko bere eraketan onartutako definizioan, osasuna erabateko ongizate fisiko,mental eta sozialaren egoera dela dio. Ez soilik gaixotasunik eta minik ez edukitzea.

Definizio hori gurea eginez, bildu gara gaur; gure herrikidea den Aitzol Gogorzak bizi duen egoera larriak kezkatzen baikaitu. Aitzolek Desoreka Obsesibo Konpultsiboa du, baita depresio aldia eta autolisis arrisku handia ere. Gaur egun, Basauriko espetxean dago, eta azken urteotan 28 aldiz ospitalaratu dute bere gaixotasunaren ondorioz. Horien artean, 2 ingreso, biriketako tronbo baten eraginez izan dira.

Gure iritziz, Aitzolen egoera ez dator bat bere espetxeko egonaldiarekin. Legearen arabera, 100.2 artikuluaren arabera hain zuzen ere, larriki gaixo dauden presoek espetxealdi arin bat edukitzeko eskubidea dute, haien gaixotasunarentzat aproposa den medikamentua jaso dezaten.

Gure ezberdintasun ideologikoak baztertu, eta giza eta osasun eskubideekiko esrrespetua hartu behar ditugu oinarritzat. Aitzoli 100.2 artikulua aplika diezaioten akdarrikatzen dugu, bizi duen egoera konplexu honi laguntza mediku aproposa eman diezaioten.

Giza eskubideen defentsan laguntza behar dugu!

Gurekin parte hartu eta ekarpen ekonomikoa egin nahi baduzu SAREINA izatera gonbidatzen zaitugu. Izan Sare!

Izan Sare

Jagoba Codok preso donostiarra jarraituko du, espondilitis ankilosantea izan arren

Jagoba Codok preso jarraituko du, gaixo larria egon arren. Espondilitis ankilosantea dauka Codok. Zoritxarrez berria ez den beste ankerkeria baten aurrean gaude, berriz ere. Gaixo larria eta preso egotea giza eskubideen urraketa garbia izateaz gain, legearen kontrakoa ere bada.

Espainiako Auzitegi Nazionalak 14 hilabeteko zigor extra bat ezarri zion Codori, baina Espainiako Auzitegi Gorena zigor batuketa honen aurka agertu da orain. Gauzak horrela, ez ditu 14 hilabete gehiago bete beharko Codok, baina preso jarraituko du: gaixo larria eta preso.

jagobaEuskal presoei ezartzen zaizkien salbuespenezko legediekin amaitu beharra dago.  Hasteko, euren bizitzaren kontrakoak direlako neurri hauek; eta berriz ere, senideak ere salbuespeneko egoeran kokatzen dituelako honek, azkenengo hauen eskubideen contra ere jokatuz.

Preso gaixoak gorroto eta mendekuan oinarrituta dagoen espetxe politika batean baino ezin dira kokatu. Eta bata zein bestearekin amaitu beharra dago; beharrezkoa da, premiazkoa da. Larriki gaixo dauden herritarrak ezin daitezke preso egon, eta espetxe politika ezin daiteke mendekuan edota gorrotoan oinarritu. Soilik horrela berma daitezke giza eskubideak.

Giza eskubideen defentsan laguntza behar dugu!

Gurekin parte hartu eta ekarpen ekonomikoa egin nahi baduzu SAREINA izatera gonbidatzen zaitugu. Izan Sare!

Izan Sare


Sarek, Arabako Hiesaren aurkako Komisioak, Salhaketak eta Etxeratek gaixo larrien asktasuna eskatu zuten Gasteizen

 Ekitaldi honetan parte hartzen ari garen entitateak, SARE, COMISIÓN ANTI SIDA DE ALAVA, SALHAKETA eta ETXERAT, berretsi egiten dugu gure konpromisoa printzipio humanitarioekiko eta pertsonen eskubide eta askatasunen defentsarekiko.

Printzipio eta eskubide horiek bere horretan aitortu behar dira, alde batera utzita egokitasunak, egoerak eta interes politikoak. Askatasuna kendu zaien pertsonak eskubide-subjektu dira eta eskubide horiek aitortu eta bete egin behar dira justiziaz. Alde horretatik, espetxean larriki gaixorik, kondena luzeekin, osasun-asistentzia txarrarekin eta sakabanaturik egoteak, zuzenean eragindakoen oinarrizko eskubideen urraketa larria izateaz gain, zigor anker bat gehitzen die haien senide eta lagunei.

Egoera horretan daude, beste batzuen artean, Oier Gomez Mielgo (Parisen preso) eta Jose Ramon Lopez de Abetxuko (Villabonan preso) gasteiztarrak.

Giza Eskubideen Europako Epaitegiak dio ezen pertsona kondenatuen osasuna kontuan hartu behar dela askatasuna kentzeko modalitateak erabakitzerakoan, espetxeratzea baterazina izan baitaiteke gaixotasun larri batekin, baldin eta pertsonari espetxeratzeak berez eta nahitaez dakarren sufrimendua baino handiagoko arrisku eta sufrimendua eragiten badio.

Alde beretik esan daiteke gaixotasun larri bat duen pertsona bat espetxetik ateratzeak ezin duela bermatu kalte sendaezin bat sendatzea baina bai halabidetzen du hobekuntza erlatibo bat eta eboluzio geldoago bat, jazoera akutu guxiagorekin, ez soilik mediku-tratamenduarengatik, espetxe barruan ere jaso baitzezakeen, baizik eta giro-aldaketagatik, horrek positiboki laguntzen baitu.

Gogoeta horietan oinarriturik hemen gaudenok Oier, Abetxuko eta larriki gaixorik dauden preso guztien askatasuna exigitzen dugu.

Giza eskubideen defentsan laguntza behar dugu!

Gurekin parte hartu eta ekarpen ekonomikoa egin nahi baduzu SAREINA izatera gonbidatzen zaitugu. Izan Sare!

Izan Sare


Tolosako udalak bere babesa adierazio Sareri, Sare Tolosak aurkeztutako mozio baten bidez

Tolosako udalak bere babesa adierazio Sareri, Sare Tolosak aurkeztutako mozio baten bidez

Gaur arratsaldean Tolosako udaletxean burutuko den plenoan, Tolosako SARE-k aurkeztutazko mozioa onartu da EAJ/PNV eta EH BILDUren 16 aldeko botorekin, eta PSOEko zinegotzi bakarraren abstentzioarekin.

Bide batez, Tolosako udalean ordezkatua dauden alderdi politikoekin bilera bat egiteko eskaera egin dugu. Bilera horretan, SAREren helburuen, dinamiken eta asmoen berri emateaz gain, ideologia eta ideia politiko ezberdinen gainetik elkarlanerako gure erabateko prestutasuna azalduko dugu. Izan ere, gaur egun horrenbeste sufrimendu sortzen duten eskubide urraketen aurrean, bai euskal presoen dispertsioa eta urrunketak, bai eta larriki gaixo dagoen Manu Azkarate Tolosako presoaren egoerak, ezberdinen arteko elkarlana eskatzen du. Behingoz egoera hau gaindituz; giza eskubideen, konponbidearen eta bakearen bidean pausuak ematen jarraitzeko.


Aurkeztutako mozioa:

Sare, euskal preso, iheslari eta deportatuen eskubideen aldeko sare herritarrak Tolosako Udalak ondorengo mozioa eztabaidatu eta onartzea eskatzen du:

Auzitegi Nazionaleko 2. Zigor Aretoak 103/17 (1-3-2017)  Autuan ebatzi du, Sarek jarritako apelazio-helegitea ez

onartzea. 104 000€ konfiskatu zituen Guardia Zibilak 2015eko urtarrileko manifestazioaren ondoren. Aretoak, berriz, diru hori bildu zuen erakundea legez kanpokoa zela arguditu du ebazpenean.

2015eko urtarrilean presoen eskubideen defentsan Bilbon nazio manifestaldi jendetsua burutu zen, bertan euskal gizarteak pertsona hauen eskubideen errespetua ozen aldarrikatu zituen. Manifestazio horretan, parte hartu zuten gizabanakoek beren borondatez gastuen ordainektarako emaniko dirua espainiako Guardia Zibilak konfiskatua izan zen.

Manifestaldia antolatzeko behar izan ziren montai, ekipo, eta bestelako gauza guztiak ordaintzeko ezinbestekoa zen herritarrek emaniko diru kopuru hori. Diru guzti hau, 104,000 € hain zuzen, konfiskatua izatean, ezinezko egin zaio sareri zor guzti hauei aurre egitea.

Ondorioz, 2015. urtean egindako lapurretaren egunetik, SARE zorretan dago hainbat enpresekin, eta erabaki honekin, SARE ito nahi dute. Baina argi daukagu SAREk aurrera egin behar duela eta herri honek, konponbiderantz pausoak emateko, presoen eskubideak errespetatzea behar beharrezkoa dela ozen esan nahi du, eta SAREk horretan lagundu nahi du. Giza eskubideen errespetua, oinarrizko pauso bat izan behar delako, eta euskal jendartearen gehiengo zabal batek horrela sentitzen duelako, SAREk sentsibilizazio guzti horiek elkartzeko eta aktibatzeko lanetan jarraitzeko erabakia eta konbentzimendua dauka.

Horregatik, eta egoera ekonomiko zail honi aurre egiteko, elkartasun astea martxan jarri dugu. 2015. urtean egin bezela, orain ere jendartearen babesa eta elkartasuna behar degu. SAREa ehuntzen jarraitu behar dugu, eta horretarako denok sare honen parte sentitu behar gara, eta ahal dugun heinean gure aletxoa jarri.

Presoen eskubideen defentsan, asko dira landu ditugun eskubide urraketak ezberdinetan, jaso ditugun babes eta konpromisoak. Bereziki urrunketa, larriki gaixoen egoera eta zigorren batuketen aplikazio eza izan dira gure jardun nagusiak, eta eskubide hoiek errespetatzetik urruti gaude egun. Horregatik lanean jarraitu behar dugu eta zuen laguntza behar dugu, denon laguntza egoera ekonomiko honetatik atera eta bidean jarraitzeko.

Horrela, norbanakoen aletxoa eskatzen ari garen bezala, erakunde, udal eta bestelako eragileen laguntza eskatzea ere  beharrezkoa da. Kasu honetan,  Udalei, herri bakoitzetik manifestaldi horretara antolaturiko autobusetan joandako pertsona bakoitzeko euro bat eskatzen ari da Sare.

Tolosaren kasuna, egun horretan 7 autobus irten ziren, guztira 385 lagun.

Guzti hau kontutan hartuz, Tolosako udalak ondorengoa onartzea eskatzen du Sarek:

  • Tolosako Udalak pertsona guztien eskubideen aldeko aldarriarekin bat egin eta Sarek lan egiten duen preso, iheslari eta errefuxiatuen eskubideak errespetatzea eskatzen du.
  • Tolosako udalak bere elkartasuna adierazten dio Sareri eta bera ekonomikoki ittotzeko eraso hau gaitzesten du.
  • Egoera ekonomiko gogor honi irtenbide emateko, egun horretan Bilboko manifestaldira joaniko pertsonen kopurua adina € Sareri diru laguntza moduan ematea onartzen du, kasu honetan 385 €.
  • Mozio honen berri Euskal Herriko komunikabide desberdinei zabaltzea adosten du.

Tolosako Sare

2017/3/22

Giza eskubideen defentsan laguntza behar dugu!

Gurekin parte hartu eta ekarpen ekonomikoa egin nahi baduzu SAREINA izatera gonbidatzen zaitugu. Izan Sare!

Izan Sare