Sare Oiartzun eta Sare Oreretak deituta osasungintzako langile eta herritarrek agerraldia egin dute larunbateko manifestaziora deituz.

Agerraldian irakurritako testua:

Gaur hemen bildutakoak osasungintzan lanean gabiltzan herritarrak gara, eta idazki honen bitartez euskal presoek kartzeletan pairatzen dituzten osasun eskubide urraketez ohartarazi nahi dugu, bereziki larriki gaixorik dauden presoen eskubide urraketez.

SALATZEN DUT dinamikaren bidez, osasun arloko espezialistak izanik, larriki gaixorik dauden 10 euskal presoen egoera larria salatu nahi dugu.

Osasunaren Mundu Erakundeak (OME) 1948. urteko bere eraketan onartutako definizioan osasuna erabateko ongizate fisiko, mental eta sozialaren egoera dela dio, ez soilik gaixotasunik edota minik ez izatea.

Zer dio legedi espainolak osasungintzan presoek kartzeletan jaso beharreko zaintzaz? Ba “La administración penitenciaria velará por la vida, integridad y salud de los internos”. Zehatzago, Arautegi penitentziarioak dio: “ A todos los internos sin excepción se les garantizará una atención médico-sanitaria equivalente a la dispensada al conjunto de la población. Tendrán igualmente derecho a la prestación farmacéutica y a las prestaciones complementarias básicas que se deriven de esta atención”.

Are gehiago, legediak ahalbidetzen du tratamendu egokia jaso ahal izateko, larriki gaixorik dauden presoei baldintzapeko askatasuna ematea.

Espainiako eta Frantziako espetxeetan hamar euskal preso daude gaixotasun larri eta sendaezinekin. Kalean egonik gaitz larri eta sendaezinak jasatea oso gogorra bada, irudika al dezakezue, esaterako, esklerosi anizkoitza, kardiopatia iskemiko larria, nahasketa psikotikoak edo espondilitis ankilopoietikoa duten presoek jasaten duten sufrimendua?
Euskal preso politikoengan, gainera, isolamenduaren edota araudi bereziaren aplikazioa gehitu behar zaizkio.

PERTSONA GUZTIEK DUTE OSASUNERAKO ESKUBIDEA ETA GAIXOTASUNEN TRATAMENDUA ZEIN ZAINTZA AHALIK ETA ERA EGOKIENEAN JASOTZEKO ESKUBIDEA. Beraz, aipatutako errealitate horiek kezkatzen gaituzte eta horregatik aldarrikatzen dugu euskal presoei ezartzen zaizkien salbuespeneko neurriekin amaitzea eta osasun arloan legeek diotena betetzea. Aldi berean dei egiten dugu Donostian hurrengo urriaren 15ean, 17:00etan SAREk deitutako manifestazioan parte hartzera.
Guk salatzen dugu, eta zuk?

LARRIKI GAIXORIK DAUDEN PRESOAK ETXERA! Giza Eskubide guztiak guztientzat!
Oarsoaldeko Sare Herritarra, 2016ko urriaren 10ean

Marea hori batek Gasteizko kaleak hartu berri ditu; premia larria duen mareak zeharkatu ditu Gasteizko kaleak, gaixo den preso bat ez dadila minutu bat ere espetxeratua egon exigitzen duen marea.

Ideologiak alde batera utzita, horrenbeste sufrimenduri eta giza eskubideen urraketa etengabeari nahikoa dela esan dion marea hori honek.

Espainiar Gobernuak diseinatutako espetxe politika da hau eta espainiar auzitegien zati handi baten kolaborazioari esker, ezinezkoa dena posible izan dadin, mugarik gabeko ingeniaritza juridikoa erabiltzen dute José Ramón López de Abetxuko eta beste sei euskal herritar, euren zigorrak beteta izan arren, askatasuna eskuratu ez dezaten eta horretarako Europako legedia ere ez betetzea erabakitzen dute lotsagabeki, Europar Batasuneko kide izanik bete beharko balute ere.

SAREn argi dugu; ez daukagu geldirik geratzeko asmorik. Gure salaketak kaletan, instituzioetan eta behar den toki denetan entzun daitezen arituko gara atsedenik hartu gabe. Sare herritar gisa jaio ginen unetik, sufrimenduaren ateak ixteko asmoz aritu gara eta itxaropenari eta elkarbizitzari ateak zabaltzeko lanean jarraitzea izango da gure jarduna. Etorkizuna bakean eraiki nahi dugulako.

Jendartearen aktibazioa ezinbestekoa da horrenbeste sufrimenduri amaiera emateko; norbanako bakoitzaren aktibazioa ezinbestekoa da konponbide prozesuan pausoak eman ahal izateko eta guri dagokigu presio sozial hori eragitea. Hargatik, sarea zabaltzen jarraitzera gonbidatzen zaituztegu, giza eskubideak, konponbidea eta bakea helburu dituen sarea osatzen jarrai dezagun.

Dispertsioarekoin amaitzeko 592km ekimena burutu dute Orereta-Errenterian

400 lagun bildu ziren pasa den larunbatean Orereta-Errenterian dispertsioarekin amaitzeko eskatuz. 592km ekimena burutu zuten, bertan herrian zehar kilometro bateko ibilbidea prestatu zuten eta korrika, bizikletan eta oinez burutu zuten euskal presoen eskubideen aldeko herritarren aktibazioa bultzatuz.